أخبار

اشهر وافضل مطاعم الاسماك بالاسكندرية تعال نقولك تروح فين

الاسكندرية


لو انت من بره اسكندرية وجارى زيارة او لو انت من جوه الاسكندرية وعندك عزومة ومش عارف تروح فين , حتلاقى فى الموضوع دا كل اللى محتاجه من معلومات عن المطاعم الجيدة فى اسكندرية , وعلشان اسكندرية مدينة ساحلية فاكيد الاكلات البحرية حتكون رقم 1 فى الاسكندرية  :


اشهر مطاعم الاسماك فى الاسكندرية 

1 - مطعم النادى اليونانى ( وايت أند بلو ) 

جريك كلوب



يقع المطعم داخل النادى اليونانى بالاسكندرية  ومش لازم تكون عضو فى النادى علشان تدخلة , اكثر ما يميز هذا المطعم الاطلالة الرئعة على مدينة الاسكندرية , تقدر تدخل المطعم دلوقتى وتختار نوع وكمية السمك وطريقة الطهى بالاسعار , يقوم بالاشراف على المطعم شيف يونانى ويساعدة مجموعة طهاه مصريين .
يعمل جميع ايام الاسبوع من الساعة 12 صباحاً وحتى الساعة 12 مساءاً .

2 - مطعم سى جل ( جليم - الماكس ) .

سى جل


 من اقدم مطاعم السمك بالاسكندرية , يتميز بالوجبات اللذيذة وموقع المطعم المتميز وايضاً الخدمة المتميزة والنظافة ووجود متنزه للأطفال وحتلاقى انتيكات اثرية جوه المكان  .
يعمل جميع ايام الاسبوع من الساعة 12 صباحاً وحتى الساعة 2 صباحاً .

3 - مطعم زفيريون ( ابو قير ) 

زفيريون


اذا كنت من سكان شرق الاسكندرية وتبحث عن مطعم جيد لتناول الاسماك لازم حتروح لزفيريون , يتميز هذا المطعم بالخدمة السريعة والمتميزة , والسمك الطازج وكمان فيو رائع للبحر ويقال ان صاحبة رجل يونانى علشان كدا حتلاقى الاستيل اليونانى فى المكان .
يعمل جميع ايام الاسبوع من الساعة 9 صباحاً وحتى الساعة 10 مساءاً .

4 - مطعم سفن سيز ( 7seas ) - ابو قير 

سيفن سيز

مطعم مميز فى شرق الاسكندرية يتميز بالاطالة الرائعة للبحر والمكان المميز واسعار معقولة واختيار طريقة الطهى وتنوع الاسماك ويوجد كافية و شاطئ  ملاصق للمطعم لو عاوز تنزل 
يعمل جميع ايام الاسبوع من الساعة 11 صباحاً وحتى الساعة 11.15 مساءاً .

5 - مطعم عروس البحر ( بحرى ) 

عروس البحر


يقال ان صاحب هذا المطعم فى الاصل صياد وقد يكون هذا سر تميز المطعم , يتكون المطعم من طابقين ويتميز بالخدمة السريعة والاسعار المعقولة الى حد ما والاسماك الطازجة وحسن الاستقبال 
يعمل جميع ايام الاسبوع 24 ساعة 

| شارك |

إرسال تعليق